Жатыр мойны ісігі туралы білуіңіз керек барлық нәрсе
Жатыр мойны – қатерлі процестерге ең сезімтал әйелдің жыныстық жүйесінің элементі. Цервикалды ісік (жатыр мойны онкологиясы) — қатерлі сипаттағы түзілім, оны тек ерте кезеңдерде емдеуге болады, десе де бұл көбінесе еш симптомсыз болады.
Бұл жағдайдың алдын алудың жалғыз жолы - уақытылы диагноз қою. Осыған байланысты әрбір әйел гинеколог дәрігерге тұрақты түрде барып, қажетті тексеруден өтуі керек.
Папаниколау жағынды
Осындай тексерулердің бірі Папаниколау жағындысы болып табылады, бұл жыныстық қатынас, инфекция немесе
жүктілікке қарсы құралдарды қолдану салдарынан жатыр мойнында зақымданудың бар-жоқтығын тексерудің ең жақсы
жолы. Бұл небәрі бірнеше минутты алады, бірақ өміріңізді сақтап қалуға көмектеседі!
Папаниколау жағындысы жатыр мойны ісігінің скринингі үшін қолданылады.
Әдетте, кіші жамбас мүшелерін тексерумен бірге жасалады. 30 жастан асқан әйелдерде Пап-тестті адамның папиллома
вирусына (АПВ) жасалатын тестпен бірге алады, бұл жатыр мойны ісігін тудыруы мүмкін жыныстық жолмен берілетін
кеңінен таралған инфекция.
Дәрігерлер әдетте, 21 жастан 30 жасқа дейінгі әйелдерге жылына 1 рет Папаниколау тестін жасауды ұсынады.
45 жастан асқан әйелдерге тестті алты айда бір рет жасау ұсынылады.
Қауіп-қатерлер
Папаниколау жағындысы – жатыр мойны ісігі скринингінің қауіпсіз әдісі. Алайда бұл қашанда сенімді бола бермейді. Жалған теріс нәтижелерге қол жеткізуге болады, бұл тест сізде нормадан ауытқыған жасушалар болса да, ешқандай ауытқуларды көрсетпейді дегенді білдіреді.
Жалған теріс нәтиже қате жіберілгенін білдірмейді. Жалған теріс нәтиже тудыруы мүмкін факторларға мыналар жатады:
- Жасушалардың жеткіліксіз жиналуы.
- Қалыпты емес жасушалардың аз саны.
- Қалыпты емес жасушаларды жасыратын қан немесе қабыну жасушалары.
Қалыпты емес жасушалар назардан тыс қалуы мүмкін, бірақ уақыт өз қолыңызда. Жатыр мойны ісігі бірнеше жыл бойы дамиды. Егер бір тест қалыпты емес жасушаларды анықтамаса, онда оны келесі тест анықтауы мүмкін.
Қорытынды
Жатыр мойны ісігі әйелдер арасында ең көп таралған онкологиялық аурулардың ондығына кіреді. Жақсы жаңалық – бұл алдын алуға болатын және емделетін аурулардың бірі. Ерте диагноз қою өте маңызды, сондықтан үнемі тексеруден өтіп, өзіңізге қамқор болыңыз.
